قبلاويات

زيارة مفاجئة

2011-12-20T03:27:00.000-08:00

- ما هى خلاص الثورة قامت يا عم

= يا أخىملعونه دى ثورة ع اللى عملوها

كنت عامل زيارة مفاجئة للتأمينات والمعاشاتالنهارده علشان أتفقد أحوال ورق معاش الوالد .. بس طبعا كعادة الزيارات المفاجئة الورق بتاع المعاش كان عارف ميعاد الزيارهوكان مستعد ومجهز نفسه ..

المهم بينما انا واقف فى الطابور منتظر دورىلأنال شرف مقابلة موظف الشباك وجها لوجه .. جه أحد " المواطنين الشرفاء " وزعق مع الموظف اللى على الشباكالمجاور ، و طبعا الموظف بدأ يشتم فى الثورة اللى خلت الناس تعترض على انه سايبمكانه و " معطل مصالح الناس " على حد تعبير الراجل اللى كان بيزعق

الظريف بقى .. إن كل " المواطنينالشرفاء " اللى كانوا حاضرين على اختلافهم تبادلوا سب و قذف الثورة ووصفها هىوأمها وأبوها بأوصاف " مش ظريفه " .. وإزاى إن كان زمان واحد بس اللىبيسرق بس البلد كانت ماشيه .. إنما دلوقتى البلد كلها بقت حراميه ..

قبل بداية الحوار الشيق ده جه " مواطنشريف " آخر وتخطى الدور ولف للموظف من جمب الشباك ... نفس " المواطن الشريف " دهأسهب فى وصف الناس الوحشة وأن أى حد بقى بيسرق .. أى حد ممكن ف الشارع يثبتك

- أو أى حد مثلا ممكن ييجى يطنش الطابور ويعدى دوره .. شفتبقى المشكله مش ف الثورة على فكرة

دى كانت مساهمتى المتواضعة فى هذا الحوارالجميل ..

بصراحة الشعب ده يستاهل سيادة الريس .. وعلىرأى فتحى* صديقى: ارجعلنا يا كبير

عامة .. مما سبق نستنتج أن :

مش المفروض تستغرب أوى م اللى العساكر بتوعالجيش بيعملوه ،، ما أهو أصل مثلا الواد اللى كان قدامى على طول ف الطابور أماهيخلص جامعة هيدخل جيش .. وف الغالب هيبقى ظبوط صغيور ،،، كل " مواطن شريف " من دول مخلف " مواطنين شرفاء" عنده ف البيت ، وعلى فكره " المواطنين الشرفاء " بيدخلوا الجيشبرضه عادى ..

الناس دى هى اللى بتضرب العيال اللى بتخرب وبتضيع البلد ..

ده إذا كنا قاعدين وعندنا تليفزيون و نتوجرايد وخلافه .. والناس بالمنظر ده .. ما بالك بالعسكرى اللى قاعد فى ثكنتهومعندوش مصدر أخبار غير " محمد بيه " وأوامر " محمد بيه " وأحيانا " قناة الفراعين " ...

وعلى فكره .. نفس الناس دى برضه اللى هتضحلىبنفسها وحب الوطن والحاجات دى أما يحاربوا اسرائيل ..

ــــــــــــــــــــــــــــــــــــــــــــــــــــــــــــ

* فتحى .. من الشباب النقى الطاهر

مشاركة السيد محمد القبلاوى فى الانتخابات

2011-12-15T20:05:00.000-08:00

28-11-2011

3/9/1939

2011-09-03T09:59:00.000-07:00

السلام عليكم ...

دى تدوينه كتبتها ع البلوج قبل كده .. بس بما ان النهارده 3/9 كتبتها تانى :)

3/9/1939

بداية الحرب العالمية التانية ..

ده اليوم اللى أعلنت فيه فرنسا وانجلترا ومعظم دول الكومنولث الحرب على ألمانيا

بنهاية الحرب العالمية الأولى .. كانت ألمانيا شبه اتدمرت تماما ، وكان اقتصادها معدوم ووقعت عليها عقوبات مشدده جدا

على الرغم من كده بعد ما وصل هتلر للحكم فى ألمانيا .. قدر فى خلال 5 سنين بس انه يحول ألمانيا من دولة معدمه لقوه عظمى قدرت فعلا انها تتحدى العالم كله فى الحرب العالمية التانية وكانت قريبه جدا من انها تحقق انتصار كبير يخليها تسيطر على أوروبا كلها و كانت الخطوه اللى بعديها بالتأكيد العالم كله

التحول الرهيب اللى حصل لألمانيا ده كان سبب رئيسى فيه هو أدولف " هتلر " ..

شخصية كاريزمية .. خطيب مفوه .. قدر يحط نفسه فى صورة الزعيم .. قدر يخلى شعبه يحبه ويصدقه

كان متأثر جدا بأفكار دارون عن الانتخاب الطبيعى و عدم تساوى الأجناس .. وكان شايف إن الجنس الآرى هو أسمى الأجناس وانه هو اللى لازم يسود العالم

فيه لهتلر مقولة ذكرها فى كتاب " كفاحى " بيتكلم عن الزنوج
( ” لا يمكنك أن تأتي بقرد من علي الشجرة ثم تلبسه البذلة و ربطة العنق و تجعله محامياً أو طبيباً بينما المئات من أبناء الجنس الأسمي يعانون البطالة”.)

أما تولى هتلر الحكم فى ألمانيا يقال إن مرتب الألمانى وقتها مكنش يسمح بشراء 4 حبات بطاطس ، ورغم كده زى ما قلنا فى 5 سنين بس اتبنت ألمانيا تانيه ... ألمانيا جديدة .. ألمانيا قوية

مع زيادة قوة ألمانيا بدأت دول أوروبا خاصة بريطانيا وفرنسا يقلقوا م الموضوع ده .. و أما دخل هتلر النمسا فى سبتمبر 1938 بحجة إنها امتداد لألمانيا وإن هو بيرجعها للموطن الأم تغاضت الدول دى عن الاحتلال ده على أساس ميدخلوش فى مشاكل مع ألمانيا .. خاصة إن النمسا بلد صغير ومش مؤثر أوى

لكن فى مارس 1939 كمل هتلر احتلال تشيكوسلوفاكيا اللى كان جزء منها تحت سيطرة ألمانيا أصلا بحكم اتفاقية اتعملت سنة 1938 .. ده خلى الدول الأوروبية تقلق أكتر خاصة بعد ما حسوا انه بيتجه لدخول بولندا

راحت بريطانيا وفرنسا عاملين اتفاقية دفاع مشترك مع بولندا وفى نفس الوقت وقع هتلر ميثاق عدم اعتداء مع الاتحاد السوفيتى وده طبعا عشان يأمن جانبه و يفضى لمواجهة الدول اللى فى الغرب

وفى 1/9 1939 دخلت ألمانيا بولندا

وفى 3/9/1993 أعلنت فرنسا و بريطانيا الحرب على ألمانيا ودى كانت بداية الحرب العالمية التانية

وده ملخص للحرب العالمية التانية فى سطور :

• أعلنت فرنسا وانجلترا ومعظم دول الكومنولث الحرب على ألمانيا فى 3/9/1939.
• احتلت القوات الألمانية الدنمارك والنرويج وهولندا فى مايو 1940.
• استسلمت فرنسا فى 22 يونيو عقب تعرضها للهجوم من قوات العاصفة الألمانية.
• بدأت المعركة البريطانية حين حاول الألمان أجبار بريطانيا على الخضوع عبر علميات قصف جوى مكثف غير ان البريطانيون صمدو.
• غزت ألمانيا المجر وبلغاريا ويوغسلافيا فى ابريل 1941.
• غزا هتلر روسيا فى 23 يونيو 1941.
• هاجمت اليابان ميناء بيرل هاربر والفلبين والملايو فى 7 ديسمبر 1941.
• أعلنت الولايات المتحدة وغالبية حلفائها عدا روسيا الحرب على اليابان فى المقابل أعلنت ألمانيا وحفاؤها عدا فنلندا الحرب على الولايات المتحدة.
• انقلبت الأوضاع فى منطقة شمال أفريقيا عقب انتصار الحلفاء فى العلمين ثم نزول قوات أمريكية فى الجزائر.
• استسلمت ايطاليا فى سبتمبر 1943 عقب غزو الحلفاء لجزيرة صقلية بجنوب ايطاليا.
• انتصرت أمريكا فى معارك بحرية ضد اليابان فى بحر المرجان وميدواى كما استردت الفلبين فى 1945.
• انتصرت روسيا فى ستالنجراد 1943 وقامت بهجوم مضاد على طول الجبهة لطرد الألمان فوصلت جيوشها بولندا فى 1944 واستطاعت طرد قوات المحور من البلقان.
• فى أواخر 1944 تحررت فرنسا عقب أنزال قوات الحلفاء فى نورماندى غرب فرنسا وقوات أخرى فى جنوب فرنسا.
• فى 7 مايو 1945 استسلمت ألمانيا دون شرط.
• أعلنت روسيا الحرب على اليابان وغزت منشوريا.
• فى 6 أغسطس 1945 اسقطت الولايات المتحدة أول قنبلة ذرية على هيروشيما ثم تبعتها بقنبلة اخرى فى 9 أغسطس على ناجازاكى.
• أعلنت اليابان التسليم فى 14 أغسطس 1945 ووقعت شروط التسليم فى 2 سبتمبر 1945

فى ذكرى النكبة

2011-06-09T03:13:00.000-07:00

السلام عليكم ،،

متأخره شويه .. يعنى كان المفروض تبقى فى ذكرى النكبة فعلا ..

تحميل pdf

مظاهرة ف المستشفى

2011-06-09T01:04:00.000-07:00

السلام عليكم ..

امبارح كان فيه عندنا مظاهرة فى المستشفى ،،

داخل انا كده المستشفى الصبح عادى جدا .. الاقى مظاهره .. مستغلين انى مش موجود طبعا

فيه ايه يا ولاد ؟

قالك العمال الموسميين عايزين يتثبتوا ..

طبعا هم دلوقتى مبياخدوش مرتبات بنى آدمين ولا اما يتثبتوا هياخدوا مرتبات بنى آدمين برضه ،،
بس الفرق ان هيبقى فيه ميزة انك تاخد مرتب غير آدمى بصفه ثابته

اكتشفت بقى انى باخد اكتر منهم دلوقتى بـ 40 جنيه ....

الطريف ان الناس اللى اكتشفت فجأه ان فيه كلمات جديده فى الحياه زى " لأ " و " حقنا " و " مش عازين صبحى " معرفش مين صبحى بس هم كانوا بيقولوا كده ،،

نفس الناس دى هى اللى كانت بتشتم فى الثورة و ف العيال الوحشين بتوع التحرير اللى بوظوا البلد ،،

الـ E.coli

2011-06-07T10:21:00.000-07:00

السلام عليكم

بنتكلم عن الـ E.coli ،، وده بمناسبة الـ E.coli outbreak اللى ف المانيا دلوقتى وانتشر فى دول تانيه

الـ E.coli من البكتيريا اللى بحبها - مش عارف ليه - بس بحس انها ظريفه كده وحبوبه ...

اتسمت " ايشيريشيا كولاى Escherichia coli " نسبة لطبيب الأطفال الألمانى "تيودور ايشيريش " .. فاكر انا ان كتاب الميكرو كان كله علماء ألمان ،،

الـ E.coli فيه منها strains سلالات كتير اكتر من 700 سلاله ، أغلب سلالاتها غير ضاره .. دى كمان مفيده لانها واحده من الـ flora اللى ف الامعاء .. يعنى بتصنع فيتامين K ، وكمان بتنافس الـ pathogens التانيه و بتتخانق معاها ع الأكل و المكان ...

فى حين ان السلالات الضاره منها ممكن تكون مميته ..
منها strain اسمه "E. coli O157:H7" بيعمل حاجه اسمها Hemolytic - uremic syndrome
بيبقى فيها hemolytic anemia و acute renal failure
بس دى بتبقى اكتر فى الاطفال عن الكبار .. ونسبة الوفاه منها 5 - 10 %

الأعراض

اسهال

فى الـ strain “O157:H7” بيبقى الاسهال معاه دم .. بس فى بدايته بيبقى اسهال عادى مش مصحوب بدم ، كمان ممكن يبقى فيه قئ و آلام فى البطن abdominal cramps

بتتنقل ازاى

اكل ، ميه ، منتجات الألبان ملوثه بفضلات الحيوان او الانسان عادى يعنى ، وكمان من السماد العضوى ..

وعشان كده فى فحص الأغذية والميه بتستخدم الـ E.coli كـ Indicator ، فوجودها يعنى ان الاكل ده حصله fecal contamination

احسن طرق للوقاية " FDA " :
غسل الايدين ..
الطهى الجبد ..
غسل الفاكهه و الخضار كويس ..
لبس جوانتيات للى بيتعاملوا مع الاكل زى عمال المطاعم ..
بسترة اللبن ..
لبس جوانتيات عند تغيير حفاضات طفل عنده اسهال ولو مفيش يبقى غسل الايد كويس بعدها

بيقولوا ان اكتر حاجات مرتبطة بالـ outbreaks بتاعة الـ E.coli هى الخيار والسبانخ - مش عارف ليه -
كان فيه Outbreak فى امريكا فى 2006 وكان تبع السبانخ
وبتاع 2011 ده خيار

العلاج

الـ E.coli حساسه لحاجات زى الـ Streptomycin و الـ Gentamycin ، الا ان المضادات الحيوية مش بتجيب التأثير المرجو عشان الـ Antibiotic resistance

كمان فى حالة الـ stain اللى بيعمل الـ haemolytic uremic syndrome ده فيه ابحاث بتقول ان استخدام المضادات الحيوية ممكن يزود نسبة حدوث الـ syndrome دى (Wong, Jelacic, & Tarr, 2000)

عشان كده الحالات العادية دى بتتعالج symptomatic او مش بتاخد اى علاج خالص ، خاصة ان الاعراض بتـ resolve
لوحدها فى خلال اسبوع

جدير بالذكر ان الـ outbreak اللى فى اوروبا دلوقتى مات منه حتى الآن 23 .. 22 فى المانيا و 1 فى السويد

شكرا جنوب افريقيا

2011-06-07T08:04:00.000-07:00

السلام عليكم ..

انا سعيد ان المنتخب خرج من تصفيات افريقيا ،،

اولا .. عشان مش حابب ان الاوغاد بتوع مصطفى محمود دول يكسبوا

ثانيا .. عشان نخلص م الأفيون بتاع الكوره ده وعقبال الاهلى كمان قريب

ثالثا .. أخيرا هنخلص م البطيخه اللى اسمه مدرب ده ،،

كابتن حسن شحاته - المدير الفنى لمنتخب مصر

15 مايو

2011-05-15T16:08:00.000-07:00

السلام عليكم

عارفين ياولاد ايه اللى حصل فى 15 مايو ؟؟ هه ؟؟

طيب احمد ابن خالتى .. انت عارف ؟؟

فى 15 مايو 1948 أعلن قيام دولة اسرائيل ،،،

واعترفت بيها الولايات المتحدة بعد 10 دقائق فقط من اعلان قيام دولة اسرائيل .. يعنى فيه لياقه وسرعه فى الآداء

يوم 15 مايو 1948 كان اليوم اللى بقى العدو موجود فيه وسطنا رسميا ،،

النهارده كانت فيه مظاهره قدام السفارة الاسرائيلية فى القاهرة

فيديو من موقع - الشروق -

وهو عليل .. المصرى اليوم

2011-05-07T06:37:00.000-07:00

بلال فضل ... المصرى اليوم 7-5-2011

أرجوك وأتوسل إليك، قبل أن تلوم على أطباء مصر دعوتهم إلى الإضراب الجزئى عن العمل فى يومى 10 و17 مايو، فتشرع فى سبهم ولعن سنسفيل مصالحهم الفئوية، ليتك تحاول أن تقرأ أكثر عن مطالبهم التى لا تخص أشخاصهم بقدر ما تخص كل مواطن منكوب حرمه نظام مبارك من حقه فى العلاج والتأمين الصحى،

وبدلا من إدانتهم مثلما فعلت أنا شخصيا فور قراءتى لخبر الإضراب ليتك تحاول أن تسأل عن تفاصيل تنظيمهم لهذا الإضراب لتكتشف أنه لن يحرم مريضا مصابا بحالة حرجة أو متوجها إلى قسم طوارئ من حق العلاج، وأنه ليس عصيانا موجها تجاه المرضى بقدر ما هو صرخة يجأر بها الأطباء فى وجه المجتمع بأكمله حكومة وشعبا، لعله يفيق إلى واقع الصحة المرير الذى يزداد تداعياً فى كل لحظة بشكل لا يحتمل التأجيل والصبر، ثم ليتك أخيرا تقرأ هذا المقال الذى نشرته فى هذه الصحيفة منذ عامين وبالتحديد فى أبريل 2009، لتتأكد أن نضال أطباء مصر من أجل تحسين وضع الصحة المتردى فى مصر ليس مطلبا فجائيا ظهر هذه الأيام، فقد كان نضالهم جزءا أصيلا من ثورة الشعب المصرى على فشل نظام مبارك وفساده وظلمه.

صدقنى، كنت أتمنى ألا أضطر لنشر هذا المقال ثانية، فالمفروض أن الثورات تقوم لكى تَحرم الكُتّاب من فرصة إعادة نشر مقالاتهم السابقة عليها إلا من باب لفت الأنظار إلى انصلاح الأحوال وتغير المآل، لكن يا الله، ربنا يجعلها آخر الإعادات.

(قالها الشاعر العربى زمان مستنكرا وساخرا «طبيبٌ يُداوى الناسَ وهو عَليلُ؟»، ولو عاش بسلامته أيامنا هذه لما نطق شعرا، بل لأطلق فى وجوهنا أصواتا منغمة ومتقطعة لا تصح ولا تليق ولا تُكتب أيضا، لأنه سيجدنا ننتظر من الطبيب أن يداوى الناس وهو عليل ومفلس وقرفان من عيشته وحالته تصعب على المُكَفِّر والكافر.

لذلك والنبى قبل أن تلوم على الأطباء لأنهم يفكرون فى الإضراب، وتعطيهم محاضرات ليسوا بحاجة إليها عن قدسية الطب وشرف البالطو الأبيض، يا ليتك تُسَمّى لى فئة نجحت فى تطوير أوضاعها فى هذا العهد المبارك طالما لم تكن من تلك الفئات التى تساعد بشكل مباشر على بقائه كابسا فوق خياشيمنا، مع أن أى نظام عاقل يعلم أن بقاءه واستقراره باختيار الناس وبمحبتهم وأصواتهم الحرة مرهون بأيدى فئتين لا ثالث لهما، هما أهل التعليم وأهل الصحة، ولو كان هذا النظام قد اهتم بهاتين الفئتين بذمة وضمير، لكانت الصحف اليومية قد اكتفت بنشر صفحة الحوادث مرة فى الأسبوع، ولاضطر محمود سعد ومعتز الدمرداش وعمرو أديب ومنى الشاذلى وخيرى رمضان وشريف عامر للعمل فى برامج الطبخ لكى يجدوا كلاما يقولونه كل يوم.

فى أبريل الماضى، شاركت فى ندوة بنقابة الأطباء وأُهدى إلىّ بعد مشاركتى فيها عدد أبريل 2008 من مجلة «الأطباء» الصادرة عن النقابة، تصفحت العدد وأنا أسير عائدا إلى بيتى، فقررت ألا أعود إليه مباشرة لكى لا أُنَكِّد على من به، ولعلى أنصحك الآن إذا كنت عائدا إلى البيت أن تؤخر قراءتك لهذا الكلام لكى لا تنكد على أهل بيتك، أما إذا كنت به بالفعل فلأهل بيتك ولك ولأطباء مصر الله، كيف يكون حالك يا سيدى عندما تقرأ كلاما موثقا بأسماء قائليه وصورهم من نوعية: إخصائى أنف وأذن بمستشفى العجوزة العام: لم أشتر ملابس جديدة منذ 5 سنوات.

واستشارى أسنان: لا أستطيع توفير نفقات أولادى اليومية، نائب صدر: لولا المستشفيات الخاصة لتسولت فى الشارع، نائب بمستشفى حميات إمبابة: رسالة الماجستير تتكلف ألفى جنيه وراتبى لا يتعدى 210 جنيهات، طبيب مقيم بمستشفى الرمد: راتبى الشهرى لا يكفى انتقالاتى اليومية، إخصائى تحاليل طبية بجامعة الأزهر يوجه شكوى لوزير الصحة لأن أصبع رجله الكبير أصيب بكسر وتمرمط لكى يستطيع علاج نفسه، استشارى الحميات د. حسن ليمود يكتب قصيدة فى ركن الأدب فى المجلة بعنوان «هان الكرام» مطلعها: معالى الوزير أتينا.. هل تنظرون إلينا، وفوق البيعة شكاوى لو قرأها العيان لرفع كفيه إلى السماء واستعجل وصول عزرائيل إذا كان هذا هو حال من سيعالجه.

أقسم بالله أننى ظللت سنة كاملة مترددا فى إعادة نشر ما قرأته خوفا من أن يكون نشره جارحا لمشاعر الأطباء الذين قدموا فى العدد ذاته مشروعا متكاملا لكادر يحفظ حقوقهم وكرامتهم ويحفظ لمرضى مصر الذين يتزايد عددهم كل ثانية بفضل اختيارات القيادة الحكيمة، ولم أتصور أن يمر عام كامل دون أن يعبرهم أحد، ثم بعد ذلك نستنكر لجوءهم للإضراب التصاعدى، لا وكمان نسأل ببلاهة أو بوقاحة عن سر تحول الطب إلى تجارة وتراجع الضمير المهنى وانتشار أخطاء الأطباء وتردى التعليم الطبى وانهيار البحث العلمى الطبى وشد العريان فى المقحّط داخل مستشفيات الحكومة.

عارف؟، على أيامنا «آه، يا نهارا بلا ملامح، تخيل أن هذا العهد بفضل انهياراته المتصاعدة جعل من هم فى مثل عمرى يرددون جملة على أيامنا بصدق وحُرقة»، حتى أواخر الثمانينيات كان العمل بالطب لايزال حلما ساحرا لأبناء جيلى والذين خلفوهم، وكنت تستطيع أن تردد بقلب جامد طُرفة «الخمسة عين» التى يحلم بها كل دكتور: العروسة والعيادة والعربية والعمارة والعزبة، أما الآن وفى ظرف عشرين سنة فقط لو رددت هذه الطرفة أمام طبيب لخزق لك عينا من الاتنين عين اللتين تشوف بهما، أما لو كان مسالما أو غير قادر على خزق عينك من فرط الإعياء لقال لك إنه لم يعد يمتلك سوى الاتنين عين الموجودتين فى جملة «عليه العوض» والتى للأمانة توفرها حكومات الحزب الوطنى للطبيب والعليل فى ظل أزهى عصور الاستقرار التى قررت ألا تسمح بالتشتت فى أحلام الأجيال الطالعة، وقامت بتوحيدها فى حلم مركزى تلخصه جملة طفولية تبدأ بحرف العين أيضا «عايز أطلع حرامى بس من اللى بيطلعوا فى النشرة»).
ربنا معاكم يا أطباء مصر.

1st time to Ambo

2011-04-16T11:43:00.000-07:00

1st time to Ambo

Today was my 1st time to use the Ambo - bag with a 9 months male infant in the ambulance on our way to Tanta university hospital

After we reached the hospital he had a cardiac arrest in the CT room, but the anaesthesia resident performed CPR and his heart started to beat again.

The CT showed massive intra-ventricular hemorrahge with multiple brain contusions,

He finally died, and the anaesthesia resident started to cry.. he was the 3rd to die in the same accident .

The news in Youm7 newspaper

http://youm7.com/News.asp?NewsID=392526

حفلة خريجين

2011-04-11T06:35:00.000-07:00

نظمت جمعية " طبيب المستقبل " حفلة للخريجين فى نقابة أطباء كفر الشيخ

يوم الجمعة 8-4

كام حاجه كده

2011-04-10T10:26:00.000-07:00

اذا كانت مظاهرات الجمعة دى عشان محاسبة رموز النظام السابق

يبقى أضيق عينى واتذاكى بقى

مين يا ولاد يا ترى اللى ليه مصلحه ان المظاهرات دى تقف ؟؟

هاه .. مين ؟؟

شاطر يا حماده

رموز الفساد فعلا هى اللى مصلحه ف كده .. نبيه يابنى من يومك

يا ترى مين ورا اللى حصل ف التحرير ده ؟؟

حسنى مبارك طالع يقول انا سكت كتير .. انما لأ ،، مش هسمح لحد يقول عليا حرامى وابن كلب

يا اخى اتوكس واقعد ساكت

هو صحيح لسه فيه ناس بتقول حرام وده راجل كبير وارحموا عزيز قوم ...

انما يعنى اعتقد ان من الغباء انه يطلع يستثير الناس بكلام زى ده

ملاحظ ان محدش اهتم بخسارة الزمالك .. بل ان كتير من الزملكاوية - وانا منهم - مكانتش فارقه معاهم خالص

بس اللى الكل أجمع عليه مع نهاية المباراه ان " ملعون أبو الكوره يعنى " .. رجعتنا للقرف تانى ،،،

الحمد لله

تعافى دكتور أحمد خالد توفيق من الأزمة الصحية اللى مر بيها .. وبسببها دخل عناية القلب فى مستشفى الجامعة بطنطا

أهيه

2011-03-29T08:12:00.000-07:00

زى ما توقعت

اتعملت الجروب دى

مش عارف معموله تأليس ولا بجد

الدور بقى على الراجل اللى واقف ورا عصام العريان :)

شعب مسلى ....

ملخص احداث الجمعية العمومية لنقابة الأطباء 25-3

2011-03-27T10:37:00.000-07:00

منى مينا .. اطباء بلا حقوق ....

عقدت بالأمس الجمعة 25مارس في دار الحكمة جمعية عمومية غير مسبوقة
و أخذت قرارات قوية أهمها
إعتبار د. حمدي السيد معبرا عن وجهة نظره الشخصية فقط ..و لكنه لا يعبر عن وجهة نظر الأطباء ، و غير مفوض من جانب الأطباء للتعبير عن وجهة نظرهم سواء في الإعلام أو مع المسئولين ..و ذلك لتكرار مخالفته لإرادة الأطباء ممثلة في قرارات الجمعيات العمومية السابقة
و الإتفاق على مجموعة كبيرة من مطالب الأطباءفي مجالات مختلفة على رأسها المطالبة بإقالة د. أشرف حاتم وزير الصحة على أن يقوم برفع المطالب للمسئولين لجنة مختارة من الجمعية العمومية ، مشكلة من ثلاثة من مجلس النقابة و ثلاثة من شيوخ المهنة د. عبد الجليل مصطفى و د. محمد حسن خليل و د. عبد المنعم أبو الفتوح و ثلاثة من شباب الأطباء د. أحمد عاطف و د. محمد شفيق و د. رامي
و تعود اللجنة لعرض ما تم التوصل له على جمعية عمومية طارئة تنعقد في 1مايو القادم
و أتفق أيضا على عمل التعديلات اللائحية الضرورية لعمل الإنتخابات النقابية في أقرب وقت ، على ان يتم فتح باب الترشيح في شهر(مايو أو يونيوالقادم) و تكون الإنتخابات في شهر (سبتمبرأو أكتوبر القدم )
على أن تضع القرارات و المطالب في صورتها النهائية اللجنة المفوضة من الجمعية العمومية في إجتماعها يوم الأحد غدا بنقابة الأطباء
..........................

طبعا تخلل سير الجمعية العمومية توتر و صياح نتج من رفض د. عصيام العريان الذي قام بإدارة الجمعية لمناقشة ماهو أكثر من تعديل ميعاد الإنتخابات في الجمعية العمومية التي إعتبرها طارئة بدأ من عودة الأطباء بعد الصلاة ، علما بأنه أنهى أعمال الجمعية العمومية العادية بسرعة شديدة قبل الصلاة ، قبل مناقشة موضوعات سلمتها لمجلس النقابة رسميا جماعة أطباء بلا حقوق ، قبل إنعقاد الجمعية العمومية بأكثر من أسبوع كما نص قانون النقابة ، و رقم الطلب الذي قدم للنقابة هو 4162

طبعا الأطباء معتادون أن تتم مناقشة الميزانية في الجمعية العمومية قبل الصلاة ، ثم تتم مناقشة باقي الموضوعات بعد الصلاة لضيق الوقت المتاح قبل الصلاة، إلا أن د. عصام فاجأ الجميع بإعتبار الوقت المخصص لمناقشة كل مشاكل الأطباء و مطالبهم ، وقت مخصص للجمعية العمومية الغير عادية ، و أنه لن يسمح إلا بمناقشة موضوع واحد هو تعديل النقاط اللائحية الخاصة بالإنتخابات ، و هذا بالطبع حجر فظيع على حق الأطباء الذين جاءوا من سوهاج و قنا و المنيا و الأسكندرية و البحيرة و مرسى مطروح و ... غيرها لمناقشة مشاكلهم سويا و إتخاذ ما يرتضوه من قرارات
......................
بالفعل إفتعل د. عصام هذه المشكلة ، و قام بمغادرة القاعة هو و مجلس النقابة ، إستهجن أغلب الحضور هذا السلوك ، و أصروا على إستكمال الجمعية العمومية ، و قام أستاذنا د. عبد الجليل بالتوجه لد. عصام للعودة للجمعية العمومية و إستكمالها إحتراما لإرادة الأطباء ، و عاد د. عصام و إعتذر للأطباء على مغادرته للقاعة ، و إستكملت الجمعية و إتخذت القرارات السابق ذكرها
.........................
بعد كل ذلك نشرت على موقع النقابة بعض القرارات المنسوبة للجمعيتين العادية و الطارئة ..و هي قرارات مجتزئة ، و لا تعبر بأي حال من الأجوال عن أراء الأطباء كما عبرت عنها نقاشاتهم الطويلة في جمعيتهم العمومية ، أما التلاعب بموضوع جمعية عادية أو طارئة ..و الجمعيتان في نفس اليوم ، فهو تلاعب غير جدير بالمناقشة لأن الغرض الوحيد منه هو تزييف إرادة الأطباء
............................
لذلك فنحن ندعو كل زملائنا الأطباء للتواجد في نقابتهم يوم الأحد 27 الساعة 1 ، للإطمئنان على صياغة قرارات الجمعية العمومية و نشرها على موقع النقابة كما تمت تلاوتها في الجمعية العمومية .... لأننا لن نرضى بتزوير إرادتنا بعد الآن

أطباء بلا حقوق

القرارات من على موقع نقابة أطباء مصر ،،

http://www.ems.org.eg/akhpar_hama/25-3-11.htm

طبعا موقف عصام العريان غير مفهوم .. بس اللى مضايقنى اللى طلعوا جابوه ومعلش يا دكتور عصام

ما تسيبوه يمشى .. كده كده الجمعية العمومية موجوده وفى لحظتها على طول بينتخب من ينوبه فى رئاسة الجلسة

اللى خايف منه ان تطلع أصوات الفترة الجيه بنغمة " أنا آسف يا حمدى السيد " و "الراجل اللى واقف ورا عصام العريان "

استفتاء وكده ...

2011-03-17T13:00:00.000-07:00

أنا سعيييد بجد

سعيد اننا اول مره حاسين ان صوتنا ليه قيمه

سعيد باختلافنا ومناقشاتنا دى

على رأى المذيعة بتاعة صباح دريم .. كانوا مريحينا مشكورين من وجع الدماغ ده ،، دلوقتى بقينا بنفكر ياترى " نعم " يا ترى "لا " ، كنا مستريحين احنا م الكلام ده وهم بيعملوا بالنيابه عنا ...

أنا هقول
" لأ " ..

ما لم أقتنع بالعكس قبل ما أحط صوتى

فيديو "قول لأ "

هكذا تحدث المخبول

2011-02-22T11:51:00.000-08:00

أنا القذافى ..أنا معى الملايين

خطاب ممل وطويل كالعاده ،،

الفذافى يرى أن الليبيين لا يثورون إلا عندما يعطيهم مصريون وتوانسه حبوب هلوسه ،،

ثم يحذر من أن هذه الحبوب مضره بالقلب ..

كيف يمكن لمثل هذا المخبول أن يحكم بلدا 41 عاما ؟؟

نفس الاسطوانة ..

أنا الثورة .. أنا الزعيم ،، هؤلاء مخربون وعملاء .. عملاء للقاعدة ولأمريكا فى نفس الوقت

لبس عندى قصور ولا أموال ، لو كنت رئيسا لالقيت باستقالتى فى وجوههم

لم استخدم القوة بعد

هذا المخبول يستشهد بما حدث فى ساحة تيانانمن فى الصين

يستشهد بما فعلته أمريكا فى الفلوجة ..

لم استخدم القوة بعد .. هو مستعد لافناء الشعب الليبى بأكمله دون كرسيه ..

هو يرى ان من يثورون عليه جرذان

ما يعمل عليه الآن هو محاولة اثارة النعرة القبلية " راجع الشعر الذى القاه مرتين " ،، يسعى لجر ليبيا الى حرب أهلية

مسيرة رد الجميل

2011-02-16T15:22:00.000-08:00

وانتصرنا .. انتصرنا .. انتصرناااااا

2011-02-11T18:18:00.000-08:00

الحمد لله

انتصرنا

انتصرنا

انتصرنا

مشى الطاغية

مشى الظالم

مشى حبيب اسرائيل والامريكان

يارجاله احب اقلكم ان اللى مجاش التحرير خسر كتير

فعلا ليس من رأى كمن سمع

هناك مصر تانيه خالص

انا سعيد ..

انا اول مره احس ان دى بلدى .. مش بهزر ..

اما تمشى ف الشارع هناك حاسس بامان مفيش قذارة ولا قرف ولا جهل

اما تلاقى شعب منظم ومثقف ومحترم وبيحب بعضه وحابب اللى بيعمله

مصر التحرير هى مصر اللى انت بتحلم بيها

فيه هناك التشريفه و الاذاعة والخطب و نقط نقط نقط ..

لسه جى م التحرير ،، انام ونقوم نحتفل ...

الحمد لله

أنا مصرى

2011-02-07T18:53:00.000-08:00

جيد جدا

2011-01-23T07:54:00.000-08:00

السلام عليكم

انا نجحت الحمد لله

جبت جيد جدا يا ولاد

إلى مزبلة التاريخ

2011-01-15T06:09:00.000-08:00

أخطاء وقع فيها النظام التونسى أدت فى نهاية الأمر الى سقوطه ..

أفلت من براثن هذا النظام شعب مثقف .. متعلم .. واع ..

شعب رفض وشجب ،،

هزته الاحداث ،،

تجاوب معها ،،

وعلا صوته ،،

وانتصر ،،،

يبدو أن نظام الحكم فى تونس لم يكن طالبا جيدا فى مدرسة النظم القمعية ... فالحكم القمعى الظالم قائم على أسس مدروسة ..

فقر و جهل و مرض و خوف على لقمة العيش ،،،

شعوب كهذه يسهل حكمها والسيطرة عليها بل و اقناعها بأنك رائع ..

شعوب كهذه ترضى بما يلقى لهم ..

شعوب كهذه لا تحاول أن تعترض أو تغير .. وانما تكتسب مع الوقت القدرة على التأقلم والتحمل ..

كامل احترامنا للشعب التونسى العظيم ...

ولزين العبدين و أمثاله .. فإلى مزبلة التاريخ

الدروس المستفادة :

اذا قررت أن تصبح حاكما جائرا ..

· عليك أن تبذل كل جهدك لجعل أكبر آمال شعبك هو مجرد أن يظل حيا

· عليك أن توطد علاقاتك جيدا مع السعودية ....

حفلة تخرج وكده

2011-01-07T04:05:00.000-08:00

السلام عليكم

البارحة .. كان فيه حفلة تخرج لدفعتنا ...

حفلة تخرج دفعة طب 2010 فى نقابة المهندسين بالغربية :D

سبقه اليوم اللى قبله لعب كوره مميز الحقيقة ،، كنا 6 والفريق 5 يعنى فيه واحد بيبقى مريح بره .. كنا بنتخانق على اللى يريح بره .. شباب زى الفل يعنى ،،،

ولكن الارهاق لم يمنعنا من المشاركة المجتمعية ..

حفلة جميلة الحقيقة ..

اتبذل فيها جهد جامد ..

بدأت بقرائة القرآن .. مكنتش أعرف إن أحمد عماره صوته حلو كده

وبعدين شعر .. مكنتش أعرف إن أحمد عماره بيألف شعر حلو كده

وبعدين شعر تانى .. أحمد عبد الوهاب

جالنا دكتور/ أسامه عبد رب الرسول رئيس قسم الأطفال ..

بصراحه الراجل ده احسن رئيس قسم مر علينا .. أو مرينا عليه بمعنى أصح .. وللى بيسأل ايه يا ترى أحسن قسم فى كلية طب طنطا ؟ نحب نقوله قسم الأطفال يا حبيبى ..

كان فيه تورته .. بس اتضحك علينا على فكره ، وأخذنا حته قد كدهه

أحسن فقرة فى الحفلة كانت بتاعة لجنة الشفوى بتاعة محمد الشيمى ومطاوع وعمرو ...

كمان الاغنية بتاعة اتصالات دى ... و مطاوع وهو متقمص دور عادل الفار

كان فيه مسابقة .. ومن هنا نحب نهنى الفائزين على الجوائز القيمة ....

كمان دكتور أحمد أخو عمرو غباره .. وهو نايب نسا فى مستشفى الجامعه جه كلمنا كلمتين حلوين عن الامتياز ،،

جمب النقابة على طول كان فيه كنيسة .. وكان واضح التعزيزات الأمنية هناك يعنى .. كان فيه بتاع 3 عساكر كده ..

بس انا مش فاهم موقفين عربية مطافى هناك ليه من العصر .. أعتقد محدش هيفجر فى الوقت ده يعنى .. فكرت أسأل الظابط التفجير هيبقى الساعه كام .. بس معتقدش انه كان فى مزاج رائق يعنى

فى آخر الحفلة العيال كانت ضربت خالص .. تهييس تهييس يعنى

وده مطاوع وهو بيلعب فى الأجهزة ..

وده سامى متصور مع "رورو" وبيقول انه خطبها .. بس هو بيهزر يا جماعه على فكره .. هو مخطبهاش بجد ولا حاجه

حبة صور مع الأصدقاء

صوره لشباب الكفراوية

وفى النهاية والى كالعاده قلبنا وسابنا ومشى ..

شوف يا والى انا بسجلك اهه عشان افكرك بس

شكرا يا ولاد على الحفله الجميله دى ،،،

الصور من كاميرا محمد موسى - حسام الصياد

الكلية خلصت ،،

2011-01-01T09:26:00.000-08:00

السلام عليكم

النهارده 1/1/2011

النهارده اول يوم فى 2011 ...

النهارده كان آخر يوم فى الكلية ...

النهارده خلصت الامتحانات ...

ألف مبروك يا محمد يا حبيبى ،،

هرتلة امتحانات

2010-10-22T07:56:00.000-07:00

اتجهت انظار الجميع الى منطقة الجزاء حيث وقف "نابوليون" وحوله لاعبو خط الدفاع يشرحلهم الفرق بين الـ flexor digitorum superficialis والـ profundus .. وذلك لان امتحان الجراحة على الأبواب ،،

أما "كانافارو" فلم يهتم بسماع الدرس لانه كان يأخذ درسا عند "سامح "

بينما أسندت الملكة "اليزابيث" ظهرها على عمود نور ووقفت تنتظر الأتوبي...س الذى تأخر كالعادة ..

ثارت ثائرة أبوتريكه وانطلق يجرى حتى ما إن دخل منطقة الجزاء حتى ألقى بنفسه أرضا وقام يطالب بركلة جزاء ، وهو مالم يخدع الحكم بالطبع فاعطاه انذارا أصفر .. أخذ البدرى على إثره يصرخ ويتهم الحكم بالرشوه ،،

ثم انفجرت القنبلة الموضوعه تحت مقعد الرئيس فى المقصوره الرئيسية ومات جميع من بالمقصورة

النيجر

2010-10-07T18:39:00.000-07:00

النيجر

من أفقر دول العالم ...

سميت النيجر نسبة لـ "نهر النيجر"

الحدود

النيجر دولة حبيسه

تحدها نيجيريا وبنين فى الجنوب

بوركينا فاسو ومالى فى الغرب

الجزائر وليبيا فى الشمال

وتشاد فى الشرق

المساحة

1.270.000 كيلو متر مربع ،، تغطى اتلصحراء الكبرى 80% من هذه المساحة الكبيرة

العاصمة

نيامى

فى نيامى تجد معظم وسائل الراحة شأنها شأن اى عاصمة العاصمة

الاقتصاد

تعتمد على بعض الصادرات الزراعية واليورانيوم

السكان

12,894,865 نسمه "تعداد 2007"

الديانة

80% اسلام

فى العاصمة ( نيامى )

يمكن لزائر النيجر ان يزور المتحف الوطنى فى نيامى ..

هيكل لتمساح يقدر عمره بأكثر من 100 مليون عام

كذلك حديقة الحيوان ومركز الحرف اليدوية ..

كما يوجد الـ Grand Marché فى نيامى أيضا ، وهى منطقة السوق الشهيرة هناك وتشتهر بها التحف التقليدية والمجوهرات و المنحوتات ..

بطانية محلية الصنع

و لأن النيجر من أقل دول العالم من حيق نسبة التعليم .. فان كثير من المحلات والمتاجر تلجأ لعرض صور لبضائعها على واجهتها

يوجد فى العاصمة نيامى أيضا الجامع الكبير .. الذى بنى بتمويل ليبى ،،

إنجال

وجهة سياحية مشهوره فى النيجر ..

هى مدينة هادئة تقع شمال شرق النيجر تابعة لمقاطعة " أغاديز " وتشتهر بواحاتها كما انها من اهم مراكز استخراج اليورانيوم فى النيجر

منظر مغيب الشمس على نهر النيجر

حيث الكل فى واحد .. د/أحمد خالد توفيق

2010-10-05T09:41:00.000-07:00

السلام عليكم

المقال ده من أروع ما قريت ...

شارع (سعيد) الهادئ في هذه الساعة من نهار رمضان، وأنا أحمل الحقيبة التي امتلأت بأرغفة الخبز الساخن، راضيًا عن نفسي لأن الفرن كان خاليًا تقريبًا في هذا الوقت. كنت أنا المكلف بهذا الكابوس اليومي: شراء الخبز، ويكفي لأصف لك عذابي أن أقول إن طابور الخبز في ذلك الوقت كان يشبه الطوابير الحالية تمامًا

هناك كان واقفًا تحت شرفة في بناية بالشارع، شاب يبدو أنه جامعي ومن طبقة متوسطة يلبس ثياب الميدان الكاملة التي لم أرها من قبل إلا في الصور. الخوذة والجربندية على ظهره، وكان يرفع رأسه إلى الشرفة بالطابق الثالث ويناديـ"صلاااااح !"ـو(صلاح) لا يرد .. لا أعرف إلى أين كان الفتى ذاهبًا ولا لماذا كان هنا والحرب نشبت منذ خمسة أيام، لكن كل شيء يقول إنه ذاهب إلى وحدته مع (صلاح) صديقه الذي لا يرد. ذاهب للقتال طبعًا لا للتدريب

إن هي إلا بضع ثوان حتى وقف فلاح وزوجته جوار الفتى، وراحا يناديان بأعلى صوتهماـ"صلاااح !"ـثم ظهر ميكانيكي على دراجته وراح ينادي .. بعد دقيقة صار هناك عشرة ينادون (صلاح) .. وتطوع أحدهم بأن يقذف طوبًا على الشرفة، بينما تطوع آخر بأن يصعد ليدق الباب، والمظاهرة تحت شرفة صلاح تتزايد، والجندي الشاب ينظر حوله فيبدو عليه الضيق والحرج من هذه الفضيحةـ"صلااااح !"ـبعد لحظة ظهر (صلاح) من الشرفة وهو بكامل ثيابه، هنا تعالى الهتاف والتصفيق .. والفلاح العجوز وثب ليعانق الفتى ويلثمه على خديهـ"مع السلامة .. هات لنا رمل من سينا وانت جاي يا دفعة !"ـ

وابتعدت حاملاً الخبز وأنا أفكر في مغزى هذا المشهد الذي ظل محفورًا في ذاكرتي خمسة وثلاثين عامًا. هؤلاء قوم يريدون عمل أي شيء .. أي شيء من أجل هذا الذاهب إلى الجبهة ليتلقى الرصاص ولربما يموت كي يظلوا هم أحياءًا أحرارًا .. أبسط شيء استطاعوا عمله هو مناداة صلاح، ولو طلب منهم الجندي الشاب أن يلثموا قدميه أو يحملوه إلى الجبهة حملاً لفعلوا بلا تردد

كان مأمور قسم أول في طنطا صديق أبي، وقد زرته مع أبي أيامها فقال لنا وهو يشير إلى التخشيبة الخاليةـ"تصوروا أننا لا نجد لصوصًا نقبض عليهم منذ نشبت الحرب ؟.. حتى اللصوص (اختشوا على دمهم) "ـ

هذه كما لاحظت بعض ذكرياتي عن حرب أكتوبر عام 1973.. أما كيف بدأ كل شيء فلذلك قصة .. هل تسمعها ؟.. إذن تعال وأعد لنا كوبين من الشاي الثقيل كي يحلو الكلام

هذا أنا الصبي الذي دخل السنة الأولى الإعدادية، ولا يهتم بالسياسة على الإطلاق.. فقط يعرف أن إسرائيل دولة شريرة تقتل أطفال المدارس (بحر البقر) وتذبح الفلسطينيين وأسقطت طائرة ماما سلوى حجازي مذيعة الأطفال التي كنت أعشقها

يوم السبت 6 أكتوبر هو ثاني يوم سبت لي منذ بداية العام الدراسي .. رمضان بدأ منذ عشرة أيام، وفي ذلك الوقت كان أكتوبر يعني جوًا معتدلاً لهذا لم يكن الصيام صعبًا علي .. أعود لداري بعد الواجبات الضرورية من ركل عصام وخطف حقيبة مصطفى ولكم عادل

هناك شيء غريب .. كل الناس يلتفون حول أجهزة الراديو. الكل قلق .. ماذا حدث ؟.. لم أر هذا المشهد إلا وأنا في الصف الثالث الابتدائي يوم وفاة (جمال عبد الناصر).. لكن لا أحد يبكي

في البيت تخبرني أمي أن الحرب نشبت. جيشنا عبر قناة السويس . أختي طالبة الطب عادت للبيت بسرعة وأخبرتهم أنها ستكون في المستشفى لساعة متأخرة لأن المستشفيات كلها معدة لاستقبال الجرحى .. الراديو لا يهمد لحظة: بيان رقم اثنين من القيادة العليا للقوات المسلحة ... بيان رقم ثلاثة

تحول أمي المؤشر إلى إذاعة لندن التي كانوا يشوشون عليها بصفارة كئيبة عالية، فلا نفهم شيئًا. تحول المؤشر إلى إسرائيل فنسمع مذيعًا أخنف يقول في حسرة مصطنعة إن السادات ارتكب خطأ عمره باستفزاز أقوى جيش في المنطقة .. مسكين أنت أيها الجيش المصري .. مسكين أنت أيها الشعب المصري .. تتقلص أمعائي رعبًا .. أبي يشخط في أمي ويطالبها بتغيير المحطة

عرفت بعد هذا أن إسرائيل كلها كانت في ألعن لحظاتها، ولم يصدق قادتها ما يحدث لهم .. موشى ديان بكى أمام الصحفيين العالميين، وجولدا مائير طلبت تركيب الرءوس النووية على الصواريخ، وهو سيناريو النهاية (ميكرع هاكول) لدى إسرائيل

عندما جاء المساء عرفت خبرًا سرني بطبيعة الحال هو أن المدرسة مغلقة لأجل غير مسمى (لقد عادت إجازة الصيف)، وخبرًا ساءني هو أن فوازير (ثلاثي أضواء المسرح) وكل الطقوس التلفزيونية إياها قد تم وقفها .. من المستحيل أن يموت أبناؤنا هناك فوق الرمال ونحن نسمع الفوازير طبعًا

في الليل أصحو في ساعة متأخرة لأسمع البناية كلها تترجرج .. رائحة البارود في هواء الليل، ويخبرني أبي أنها بطاريات الدفاع الجوي في مطار محلة مرحوم تطلق القذائف على غارة

أمي تتساءل عن كل هؤلاء الذين يحاربون الآن في الرمال والظلام ولم يظفروا -يا كبدي- بساعة راحة منذ ظهر السبت .. فجأة صارت أم هؤلاء جميعًا

في اليومين التاليين تتضح الأمور أكثر، ونعرف أننا حققنا معجزة فعلاً، وأن البيانات التي نسمعها تختلف كثيرًا عن بيانات 1967 (المضروبة). الأخبار السارة تتوالى .. تقدُم .. تقدُم .. السوريون يجتاحون الجولان وقواتنا تسحق لواء مدرعًا بالكامل وتأسر قائده .. لم أنس الاسم بعد كل هذه السنوات: عساف ياجوري، وهو شيء خمول بدين يدخن بإفراط وله لُغد

شارع البحر كله ينظر للسماء وقد خيل لنا كأن المعركة تدور فوق سنترال المدينة.. في الحقيقة كانت بعيدة جدًا.. هناك طائرات إسرائيلية تحلق، بينما تطاردها طائراتنا .. تعلمنا شكل الميج والفانتوم من على هذه المسافة. طائرة إسرائيلية تهوي .. ثم تبتعد طائراتنا ليظهر خيط من الدخان من مكان ما .. إنه الاختراع السوفييتي الرهيب (سام -7) . نرى الطائرة الإسرائيلية تعلو وتهبط بينما خيط الدخان يقتفي أثرها في إصرار وعناد، وفي النهاية يلتقي خيطا الدخان ليصيرا خيطًا واحدًا يهوي بعيدًا .. بعيدًا .. باي باي يا حاييم أو يا ليفي أو يا أموتاي .. فلتكن ميتتك أبطأ وأبشع من ميتة سلوى حجازي

في هذه الفترة جعلت بطاريات الصواريخ المصرية سماءنا منطقة موت للطائرات الإسرائيلية، وأصدر قائد الطيران الإسرائيلي أمرًا بالابتعاد أكثر من عشرة كيلومترات شرق القناة. وكانت الصحف تظهر مليئة بصور الأسرى الإسرائيليين الذين وصفهم أحمد رجب بـ (الذئاب الجربانة التي تحتاج لمحضر اشتباه وتحري)، كما أذكر صورة رهيبة بعض الشيء لجثة متفحمة لطيار إسرائيلي مقيد بالسلاسل .. قال الخبر إن الإسرائيليين يقيدون طياريهم في الطائرات كي لا يبادروا بالقفز منها بمجرد رؤية الصاروخ سام -7

قائد المدرعات الإسرائيلي – أعتقد أنه موردخاي هود - يجري اتصالاً مدته ثوان مع قاعدته.. يلتقط سلاح إشارتنا المكالمة، وهنا تنطلق طائرة قاذفة مصرية بسرعة البرق نحو مصدر المكالمة في سيناء وتطلق صاروخًا ينسف الرجل وسيارته وتعود ..!... جرى إيه يا جدعان ؟.. هل نحن نتكلم عن مصر أم بريطانيا العظمى ؟ .و في كتابه المهم عن الحرب يقول (عبد الستار طويلة): "كانت هذه أول حرب تعرفها مصر يقول فيها الضابط لجنوده (اتبعوني) بدلاً من (تقدموا) !"ـ

نسمع اسم (عبد العاطي) صائد الدبابات الذي نسف 25 دبابة وحده.. عندما رأينا الدبابة عن كثب في معرض الغنائم، بدت لنا مخيفة رهيبة أكثر بمراحل من الصور، وقد تساءلنا عن نوعية الأعصاب ومدى الشجاعة التي يجب أن يمتلكها المرء كي يواجه هذا الديناصور وهو على قدميه .. هؤلاء لم يكونوا رجالاً .. كانوا أساطير حية

في كل مكان كنا ثملين بما تحقق، وندعو الله أن يحفظه لنا

صحيح أن الحماسة أعمتنا ولم ندرك أن مسار الحرب يتغير، وأنه عندما وقف السادات ليحيي الجماهير في أول خطاب له بعد نشوب الحرب، وعندما التهبت أكفنا بالتصفيق وكانت الشوارع خالية تمامًا، كانت الدبابات الإسرائيلية قد دخلت السويس ضمن عملية (الغزالة) التي خطط لها شارون، ولم نعرف الكثير عن حصار الجيش الثالث . قد تصدق الإسرائيليين الذين يعتبرون أنهم أحالوا نصرنا هزيمة، وقد تصدق كيسنجر الذي قال لجولدا مائير: أنت انتصرت عسكريًا وخسرت استراتيجيًا، لأن أسطورة الجيش الذي لا يقهر انتهت للأبد، وقد تصدق الخبير الاستراتيجي العالمي (أندريه بوفر) الذي زار المنطقة وقال إن الثغرة عملية تلفزيونية لا قيمة لها من أي نوع

فقط كانت الشعلة متوقدة، وكنا نستطيع وقتها أن نحارب العالم كله. الحرب عمل كريه مقيت لكنه شر لابد منه كي يجدد دماء الأمم ويقوي عزيمتها ويوحدها، وكما قال هيكل: لا يوجد طرف في العالم أعلن أن السلام خيار استراتيجي، لأنه عندما يستخزي طرف فإنه يدعو الطرف الآخر تلقائيًا لأن يستقوي

هذا هو بعض ما أذكره عن تلك الحرب، وقد تعمدت أن أحكي ذكرياتي كطفل في الصف الأول الإعدادي، لأنني قرأت الكثير جدًا عن تلك الحرب بعد ذلك مما يبتعد بالمقال عن هدفه. يكفي أنني أعددت عنها سيناريو قصص مصورة دقيقا جدًا يعتمد على عشرة كتب، وقد أردت به ألا تُنسى هذه الحرب أو أن يتساءل ابني كما فعل يومًا: هل كانت فعلاً حربًا عظيمة أم أن هذا ما يجب أن أحفظه وأكتبه في ورقة الإجابة ؟. هذا السيناريو قدمته لعدة فنانين، لكن مشاغل الحياة منعتهم من البدء، وفي النهاية ضاع
........................
من كتاب .. دماغي كدة .. د/أحمد خالد توفيق

جون يغرق

2010-09-15T04:51:00.000-07:00

كان المزارع " جون " يصارع الأمواج التى وجد نفسه فجأه فى وسطها
.. وهو لا يتذكر كيف ولا متى وصل الى هنا
كان هذا عنما مرت به سمكة قرش وألقت السلام : " السلام عليكم يا أخ "

ولكن لأن "جون " .. جون فلم يعرف كيف يرد عليها لذا تردد قليلا ثم رد :
" أبو شارك .. اتفضل "

تعجبت سمكة القرش من هذا الرجل الذى يفتقد لأبسط قواعد اللياقه ، وتركته وانصرفت

أخذ التيار يقذف جون يمينا ويسارا .. حتى لمح من بعيد جزيرة صغيرة
بذل " جون " ما تبقى فى بطاريته من طاقه ليصل اليها

ليجد أنها جزيرة صغيرة جدا .. تتوسطها شجرة عالية وحيدة .. لمح عليها فاكهة غريبة لم يرها من قبل

كان وقتها قد تجمع عليه التعب والحر والجوع .. فذهب يستند الى الشجرة و يستظل بظلها ..

الا انه ما كاد يقترب منها حتى أخذت قدمه تغوص فى الرمال .. ولم يستطع أن يمنع نفسه من الغرق فى الرمال ..

بينما كان القرد يتابع المشهد بأكمله من فوق الشجرة باستمتاع وهو يمسك بيده لافته كتب عليها " احترس رمال متحركه " ..

وفى النهاية ابتسم وقضم قضمة من الفاكهة الغريبة

جون يشاهد المباراة

2010-09-11T15:29:00.000-07:00

كان المزارع "جون " يعمل فى حقله غير آبه بالأمطار التى تتساقط بغزارة جعلت حتى مجرد السير عسيرا ..

الا أن ما كان يغضبه فعلا هو سلط زوجته التى أصرت على مشاهدة المسلسل الذى يراه سخيفا و لم تسمح له بمشاهدة مباراة تشيلسى وويست هام يونايتد ..

ثم قرر فجأة أن : كفى أنا الرجل فى هذا البيت ..

فعاد مسرعا لبيته ودخل ليجد زوجته تتابع المسلسل بشغف وهى تأكل الفيشار حتى أنها لم تنتبه لدخوله أما هو فقد أخرج بندقية والده الآليه ،و أفرغ كل طلقاته فى رأس زوجته ، ثم أدار المحطه على المباراه وجلس يشاهدها باستمتاع وهو يأكل الفيشار الملوث بدم الزوجة

كل سنه وانتم طيبين

2010-09-10T01:21:00.000-07:00

سامى و الـ Peripheral nerves

2010-09-05T08:37:00.000-07:00

Upper limb peripheral nerve injury

by: Mohammed Sami

In da microbus

Policeman tip deformity فتحى السعدنى

Pringle's maneuver

سيراليون

2010-09-03T06:49:00.001-07:00

سيراليون

تقع سيراليون فى غرب افريقيا .. تحدها من الشمال و الشرق غينيا – ومن الجنوب الشرقى ليبيريا ، كما يحدها المحيط الأطلنطى من الغرب و الحنوب الغربى

المساحة : 71740 كيلومتر مربع

العاصمة : فرى تاون

السكان : 138 132 5

الديانة : اسلام 60% - مسيحية 30% - 10% وثنيون

المسجد المركزى فى العاصمة "فرى تاون"

العملة : ليونى

نصيب الفرد من الدخل القومى الاجمالى : 320 دولار

اللغة الرسمية : الإنجليزية وهى اللغة المستخدمة فى المدارس والمصالح الحكومية ووسائل الإعلام ،، بينما لغة "الكريو" وهى خليط من الإنجليزية ولغات افريقية عدة هى اللغة المستخدمة بين 97 % من أفراد الشعب

نظام الحكم : جمهورى

الرئيس : إرنست باى كوروما

سيراليون غنية جدا بالمعادن ، وتعتمد فى اقتصادها بشكل كبير على التعدين .. خاصة فى مجال "الماس " حيث أنها من أول 10 دول فى انتاج "الماس " ،،،

منجم ماس

التنقيب عن الماس

فى عام 1462 زارها الرحالة البرتغالى "بيدرو دى سينترا " وأسماها " سييرا دى ليو " بمعنى ( جبال الأسد )

البوست الـ 100

2010-08-17T17:12:00.000-07:00

السلام عليكم ...

مدونتى العزيزه ..

ازيك يا حبيبتى ، عامله ايه ؟

انتى عارفه ان دى المره الـ 100 اللى اكتب فيها بوست

شكرا عشان استحملتينى كل ده

شكرا عشان استحملتى سخافاتى و مللى وقلة أدبى

عارف ان ده مش عيد ميلادك ، بس انتى عارفه أنا مليش فى موضوع الهدايا ده أوى يعنى

المهم ان ...

مدونتى الجميلة .. بحبك

Balteem resort 2010

2010-07-29T18:10:00.000-07:00

عسل أسود

2010-07-24T22:08:00.000-07:00

بالورقه والقلم خدتينى ميت ألم

أنا شفت فيكى مرمطه وعرفت مين اللى اتظلم

- " احنا على الأقل أحسن من غيرنا بكتير "

= " قولى أحسن من غيركوا فى ايه .. انتوا عاملين نفسكوا مبسوطين ، مين مبسوط ؟ منصف مبسوط ؟ وهو مش لاقى مكان يعيش فيه هو و مراته ؟ ولا ابتسام مبسوطه وهى مش عارفه تصبر نفسها ولا تصبر جوزها ؟ ولا سعيد .. سعيد اللى عنده 30 سنه ولسه قاعد مع أمه لحد النهارده عشان مش عارف يشتغل ولا لاقى شغل ؟ ، وبكره هيكون حماصه زى سعيد ونوسه زى ابتسام ، انت نفسك عاجبك حالك ؟"

- " أنا يابنى دايما بقول الحمد لله "

اللى فات ده كان مشهد من الفيلم ...

- " أنا يابنى دايما بقول الحمد لله " و " احنا على الأقل أحسن من غيرنا كتير "

شعب غريب .. يستاهل كل اللى بيحصله و أكتر ..

ربنا مأمرناش نسيب حقنا ونقول " الحمد لله " ،

أو اننا نبقى ع الحال ده ونقول احنا أحسن من غيرنا

أصل أنا بقى كنت فى بلطيم وكده ،،

وكعادة بلطيم بيكون فيها سينما .. وكعادتى فى بلطيم بدخل السينما

كان فيلم "عسل أسود" ،،

الفيلم كان رائع ..

فيلم جديد ..

يعنى مجبش فى الآخر انه طلع غلطان وان مصر حلوه وهو مش واخد باله ، حتى أما حب يرجع الباسبورت الأمريكى اللى نزل الطياره ،،

أول فيلم من زمان ميتكلمش عن جمال الوحده الوطنيه فى مصر ،،

قصته مش منقوله من فيلم أجنبى

جايب ازاى انت مستباح وانت مصرى

ومحترم وانت مش مصرى

ليه اللى جايلك اجنبى
عارفة عليه تطبطبى
وتركبى والش الخشب وعلى اللى منك تقلبى

جايب ازاى البلد دى ماشيه بضهرها

عارفة سواد العسل
اهو ده اللى حالك ليه وصل
ازاى قوليلى مكمله وكل ده فيكى حصل

يا بلد معاندة نفسها
يا كل حاجة وعكسها
ازاى وانا صبرى انتهى لسة بشوف فيكى امل

بالمناسبه الحته الأخيره دى غيروها ف أغنية الفيلم .. بقت

انسينى أنا صبرى انتهى ومش هشوف فيكى أمل

كان مع الفيلم فى نفس العرض فيلم الديلر بتاع أحمد السقا .. بصراحه يعنى فيلم غاية فى الإثارة والتشويق

أول مره أفهم مصطلح " سئ لدرجة أنه ممتع "

طرداك وهى بتحضنك
وهو ده اللى يجننك
بلد ماتعرف لو ساكنها والا هى بتسكنك

بتسرقك وتسلفك
ظلماك وبرضه بتنصفك
ازاى فى حضنك ملمومين وانتى على حالك كده

بالورقه والقلم .. نور عبدالله

الجزء الأخير ده مكنش فى الفيلم بس فعلا معبر عن علاقة الشعب ده بالبلد دى ، زى ما قال صلاح جاهين

"باحبها بعنف وبرقة وعلى استحياء
وأكرهها وألعن أبوها بعشق زي الداء
وأسيبها وأطفش في درب وتبقى هيّ ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر"

كاريكاتير سامى وقبلاوى فى مجلة " بس كده "

2010-07-09T13:01:00.000-07:00

السلام عليكم

العدد التالت من مجلة " بس كده "

شاركنا بقصة مصورة ... " أمريكا احتلت مصر يا فوزى !! "

لتحميل المجلة

http://www.mediafire.com/?z3x2efmjgtn

لتحميل القصة

http://www.mediafire.com/file/azmd4jjzzjc/america_ehtalet_masr_ya_fawzy.pdf

موقعنا

caricater.blogspot.com

جروب الفيس بوك

http://www.facebook.com/photo.php?pid=6168473&o=all&op=1&view=all&subj=212846309990&aid=-1&id=741125209

باسبورت أزرق

2010-06-21T14:12:00.001-07:00

هل تذكروها ؟

هى قٌتلت لأنها رفضت أن تهان ..

قٌتلت لأنها حاولت أن تحافظ على كرامتها ..

قتلها من اتهمها بأنها " ارهابية مسلمة " ،،

ولكن "مروه" لم تقتل لأنها مسلمة ..

ماذا لو كانت "مروه" مسلمة أمريكية مثلا ؟

هل تذكروه ؟

هو قُتل لأنه فشل أن يصبح وكيل نيابة ..

أو أن يكون ابن خالته " محمد بيه "

كرامة مهانة فى الداخل قبل الخارج ..

عندما سئل الشاب فى أحد البرامج عن السبب الذى يدفعه لتقديم طلب الهجره .. أجاب " عايز أطلع أجيب باسبورت محترم لأولادى "

لا أعتقد أن من يحمل باسبورا أزرق اللون يُقتل فى المحكمة ، أو تهشم جمجمته فى الشارع .. " على ألأقل بهذه البساطة "

I'm back

2010-06-20T22:46:00.000-07:00

السلام عليكم

بقالى فتره غايب عن البلوج ...

الفتره اللى فاتت كنا بنمتحن ..

راوند نسا ،، تلاه امتحان نسا وولاده

الفتره اللى فاتت دى انطردت من ع الفيس بوك ، وده طبعا عشان أنا بنشر حاجات مسيئه وتؤذى مشاعر الآخرين على حد قولهم ،،

هو بصراحه الحاجه المسيئه اللى حطيتها كانت فيديوهات قافلة الحرية .. معاهم حق مكنش يصح برضه

مكنتش ناوى اشترك على الموقع القذر ده تانى ،، بس لاقيت بصراحه انى انا اللى بقيت معزول عن العالم الخارجى

انا عايز اقوم آكل ...

عجبنى الكاريكاتير ده للدكتور أشرف حمدى

فى ذكرى النكبة

2010-06-04T19:07:00.000-07:00

تحميل pdf

اختشى

2010-06-02T09:50:00.001-07:00

ترى ما هو وجه الشبه بين ادانة مجلس الشعب لنائب الرصاص الوطنى و بيان ادانة اسرائيل فى الأمم المتحده

الاثنان استخدما نفس اللهجه " ينيلك .. اختشى "

نائب الرصاص أصبح ملوما عندما رأى ان المصريين يستحقون الضرب بالنار
وايضا أصبحت اسرائيل ملومه عندما قتلت العزل فى عرض البحر

اذا فالاعتبارات واحده .. هنا او هناك ... القوى يفعل ما يريده .. وانت يكفيك أنك مازلت حيا ،،،

المشكلة اننى أنتمى للطرف الضعيف دائما ...

فأنا مصرى .. عربى .. مسلم .. مستباح .. مهان .. ضائع حقى عندما يتعلق الأمر بالخارج
أما فى الداخل فأنا لست منتميا للوطنى .. ولا ضابط ولا وكيل نيابه
أنا من يستحق الضرب بالرصاص
أنا من يأكل السموم ويلقى له بالفتات

اذا فلـ" اختشى " أنا كمان و أسكت وأقعد فى جنب

مشروع

2010-06-01T01:56:00.000-07:00

مرهقة هى ...
انها سهرة " الشات " اليومى مع صديقاتها الذى يضطرها للنوم فى المحاضرة ..
عيناها محمرتان .. مع قليل من الانتفاخ

أكملت المحاضرة بنصف وعى حتى انتهى المحاضر من هرائه .. الآن سترجع الى البيت

" ستنام حتى الصباح التالى " هكذا حدثت نفسها

ركبت " المشروع " كما يسمونه فى الاسكندرية .. و أسندت رأسها على الشباك
ربما غفت قليلا .. الا انها افاقت فجأه ، " الأجرة يا آنسة " مع ضغطة خفيفة على ذراعها
ناولت الأجرة للشاب الذى " يلم " الأجرة خلفها ، وعادت للشباك مرة أخرى

هذه المره لم تكن ضغطة خفيفة .. لم تكن ضغطة على الاطلاق ... كان يتحسس ذراعها !!!
ظلت مشدوهة لثوان ... وظل هو يتمادى ...

ثم .. يا الهى .. " انه يتحرش بى "

- يا حيوان يا سافل
= فيه ايه
- انت هتستعبط .. بتمد ايدك عليا
= محلصش .. انتى اللى بتستعبطى باين
- يا حيوان .. انا هوديك فى داهيه .. انا هخرب بيتك .. يااا اسطى اقف عند اول قسم لو سمحت
= بقلك ايه .. انتى شكلك مش مظبوطه ..

• ايه فيه ايه يا بنتى ؟
- الحيوان ده كان ماسك دراعى
= محصلش .. البت دى بتتبلى عليا .. ما تحضرونا يا جماعه

كانت هى من تتنتظر الجماعه كى يحضرونا من البداية .. هناك شاب يتحرش بفتاه فى مواصلة عامة ولا أحد يحرك ساكنا ..

أرادت أن تقول شيئا ما .. ولكن تاهت منها كل أفكارها
وجدت نفسها تبكى ،،

• اهدى بس يا بنتى وقوليلى ايه اللى حصل
- مد ايده مسك دراعى
قرأت وسمعت عن حوادث التحرش فى الفترة الأخيرة .. ولكنها لم تتصور أن تكون هى بطلة احداها .. وهى فى هذه اللحظة بالذات تلعب دور البطله و للأسف .. بكفاءة

 ماهى تستاهل .. شوف لبسها عامل ازاى
• مالها يا مدام .. ماهى البنت محجبه أهيه
 وهو اللى لابساه ده حجاب .. ده كفايه الألوان والبهرجه .. ده كإنها عايزه حد يعاكسها
• و لو فرضنا معانا شايف ان لبسها مش وحش .. ده ميديلوش الحق يعمل كده

o لا معاكى حق يا مدام ، فعلا البنات بقت بجحه وعينها فارغه

و انت يا شيخ ما تقول حاجه ..

# ما هى الأخت لو منتقبة كانت أخرست كل الألسنة ..

كانت تبكى .. و الدنيا تدور من حولها ،،
تذكرت كلام هدى زميلتها «البنت ما تتكلمش في الظروف دي علشان ما تتفضحش، ماما دايما تقولي كده وكمان زمايلى، كلنا بنتصرف بنفس الأسلوب في الظروف دى».

o يا أستاذ انت اللى مبتشوفش .. انزل الشارع .. شوف البنات فى الشوارع بقوا عاملين ازاى .. ربنا يستر على ولايانا

 كل ده علشان بعدنا عن الدين .. وسيبنا عيالنا للتلفزيون يربيهم .. ويعنى هو حد عارف هى جيه منين دلوقتى مثلا

القسم اهه ، هاه .. أقف ولا ايه نظامكوا

@ أوعى تعتذرلها أحسن تثبتها على نفسك

• بصى يا بنتى ، أحسنلك تنسى الموضوع وتروحى .. انتى شكلك مش وش بهدله و ممكن حد فى القسم يوجهلك كلمه مش كويسه.. و لو رحتوا النيابه ممكن تلبسيها انتى .. روحى يابنتى أحسن و انسى الموضوع ،، اطلع يا اسطى

كانت تبكى .. وتتمنى أن تنتهى من هذا الكابوس سريعا ،،

نزلت فى نهاية الخط مع من نزلوا ، وأيضا كان هو ..
نزلت .. تشعر بضعف .. تشعر بضيق .. تشعر باختناق .. وبطرف عينها نظرت ..

الى حيث كان يقف ينظر تجاهها ويبتسم ...

الاندومى حرام شرعا

2010-05-12T15:20:00.000-07:00

السلام عليكم

فكرت أكتب فى الموضوع ده ... ولاقيت دكتور أحمد خالد توفيق كاتب عنه " الطريف فى فنون التخويف " .. حبيت أنقله

على الانترنت طلعت هوجه كده فجأة ان الاندومى سم قاتل .. وانها بتسبب كل الأمراض اللى فى الحياه ...

" تأخّر الخطاب كثيراً؛ لكنني كنت أدرك يقيناً

أنه قادم، ومع الوقت بدأت أقلق.. هناك خلل في بريدي أو في شخصي بالتأكيد.. ربما أنا لا أستحق أن ينذروني؟

ثم جاء الخطاب الذي انتظرته طويلاً.. الحمد لله.. الدنيا لاتزال بخير

خبيرة غذائية تحذّرنا من استعمال المكرونة الآسيوية الدقيقة المسماة "إندومي"، التي يدخل في تكوينها ملح صيني يدعى "إجني موتو"، وهو يسبب تلفاً في خلايا المخ ويسبب سرطان الدماغ"

اللى طالعه بتقول كده زى ما بتقول التوبيكات والايميلات اللى كانت ماليه الدنيا بتشتغل خبيرة تغذية فلسطينية ...

الموضوع ده لاقيته على الفيس بوك وأما دورت لاقيته مالى المنتديات الخليجية والمصرية ، والناس كلها منزعجه واللى يقلك انا كنت باكل منها دلوقتى و مكملتش الطبق ...

حاولت أتداخل مع مجموعة من الناس دى ...

(الأستاذه أمل عبد المجيد خبيرة التغذية)

خبيرة التغذية دى .. بتشتغل ايه يعنى ؟

خريجة ايه ؟

بتشتغل فين ؟

معتقدش كونها " أستاذه " ده يسمحلها تتكلم على سرطان الدماغ

الاكتشافات الرهيبه دى اللى هى الوحيده فى العالم اللى اكتشفتها .. اكتشفتها امتى ؟ وازاى ؟

الجميل ان الكل تجاهلنى زى ما اكون حيوان سلمندر قاعد ...

إن الإندومي يحتوي مادة"
E621
التي تسبب تسمم المخ وتسبب تراجع الذاكرة وضعفها. وتدهور القدرات العقلية وفقدان القدرة على التركيز ومعالجة الأمور الحسابية أو الرياضية المتوسطة، ثم تؤدي إلى غباء فعلي بدون مبالغة

كذلك تؤدي الإندومي إلى الإصابة بالشلل الرعّاش والزهايمر والصداع المزمن، ومع الاستمرار في تناولها تؤدي للسرطانات مثل سرطان الثدي وارتفاع الكولسترول وضغط الدم والأزمات القلبية الحادة وغير ذلك الكثير... ونحن - والكلام لخبيرة التغذية- نقدّمها ونجعلها الوجبة الرئيسية للعشاء لفلذات أكبادنا ونستغرب عندما نراهم لا ينامون، ونراهم في المنزل يجرون ويصرخون ويقلبون البيت، وتظهر منهم مشاغبات ليس لها حدّ، ونقول هذا جيل اليوم.. أَمَا حان الوقت لنأخذ موقفاً من هذه المنتجات والتأكّد من مكوناتها، والبحث عن مضارّها ومنافعها قبل استعمالها؟

وهكذا أضيف عنصر جديد إلى قائمة الإنذارات اليومية التي سترسل بنا إلى معهد الأورام ثم القبر. كلنا ذاهبون للقبر قطعاً؛ لكن لا يحبّ أحدنا أن يسبق ذلك ترانزيت في معهد الأورام أو مركز الكلى أو معهد الكبد لا سمح الله

على كل حال يسهل تصديق هذا الخطاب جداً؛ لأن كل أب يعتبر أبناءه أغبياء وغير طبيعيين.. ما هو السبب؟.. لا يمكن أن يكون السبب وراثياً لأنه -الأب- عبقري.. إذن المشكلة فيما يأكله هؤلاء الأوغاد الصغار"

حبيت أتحرى برضه ..

رحت قسم الكيمياء الحيوية عندنا فى الكلية ... قابلت دكتور صبحى عبد الحميد .. أكبر دكتور فى القسم تقريبا

سألته عن الموضوع ده ...

قاللى انه مسمعش عن حاجه زى دى قبل كده

انما اللى قاللى عليه انه منع يدخل اللانشون والحاجت دى البيت عشان لاقوا انهم بيضيفوا نيتريت عليها

إذا أكبر دكتور كيمياء حيوية فى طب طنطا .. مسمعش فى حياته عن اللى ( خبيرة التغذية ) اكتشفته لوحدها ....

"هذا الخطاب بالذات قوي التأثير جداً لدرجة أنه أدى لصدور فتوى عراقية تقضي بتحريم أكل الإندومي، ولا لوم على صاحب الفتوى طبعاً لأنه استند إلى كلام العلماء الذي يقضي بوجود ضرر أكيد

هذه القائمة الطويلة من الأمراض التي تسببها الإندومي - كأنك تتعامل مع مخلفات الشيطان- تثير الريبة فعلاً. عندما يشكو لي المريض من رأسه وقلبه ومعدته وقدميه وتنفّسه؛ فإنني أرجح أن المرض الحقيقي موجود في عقله

مادة مونو صوديوم جلوتامات أو
MSG
هي نفسها
E621
ونحن نعرف أنها تستخدم كمكسب طعم في كل شيء تقريباً. معظم الدراسات التي أجريت عليها تقول إنها مأمونة بالجرعات العادية... لو أخذت أي شيء بجرعات زائدة؛ حتى لو كان فيتاميناً فهو مضرّ بالتأكيد، وبالطبع هناك أشخاص قد يكونون مصابين بحساسية للجلوتامات، أو لا يجب أن ينالوا جرعات إضافية من الصوديوم، هم يعرفون هذا؛ لهذا اشترطت الحكومات كتابة أن المنتج يحتوي هذه المادة.. الدراسات كثيرة جداً لأن هذه المادة مفضلة للذعر"

الجميل انى لاقيت فعلا فتوى ع النت مطلعها شيخ عراقى نصها " الاندومى حرام شرعا "

شكرا ...

يعنى اللى ياكل اندومى يدخل النار ،،

ومن حين لآخر يعود الكلام عن أنها خطرة أو مسرطنة.. لكن العالم الأمريكي ""هارولد مكجي" يؤكّد في كتابه عن الطعام والطبخ: "العلم وتقاليد المطبخ – 2004" خلاصة هذه الدراسات التي تؤكّد أن هذه المادة بلا أي خطر

نفس الشيء أكّدته الـ
FDA.
الصينيون أجروا دراسة مدققة واسعة فوجدوا أن الخطر الوحيد لهذه المادة زيادة الوزن"

دخلت أنا برضه على موقع الـ

FDA( US Food and Drug Administration )

دى االمفروض مفيش أكل او دوا بيدخل الولايات المتحده الا اذا أخد منها

Approval

وبحثت عن الماده دى واللى لاقيته عنها هناك بيقول ان التركيزات المستخدمه فى الاطعمة من هذه الماده آمنه ومفيش منها مشاكل

"على كل حال تبيّن أن هذا التهديد الزائف يدور عبر الإنترنت منذ عام 2007، وهناك تهديد زائف آخر يعود لعام 2000 عن أن الأكواب الرغوية التي تقدّم فيها "النودلز" تسبب تسمّماً بالمادة الشمعية المغطية للمكرونة... كلام فارغ هو الآخر

تهديد آخر من هذا الطراز العجيب يتعلق بأكل الجمبري.. لو أكلت جمبري ثم أكلت بعده البرتقال أو أقراص فيتامين (ج) فأنت تكتب شهادة وفاتك

الباحثون في جامعة شيكاغو وجدوا أن لحم الروبيان (الجمبري) يتضمن تركيزاً عالياً من مركبات الزرنيخ مع البوتاسيوم.. مع فيتامين سي، يتحول الزرنيخ إلى ثالث أكسيد الزرنيخ، ويقتل الشخص الأحمق

حتى قبل أن تبحث عن المعلومة؛ فمن الصعب تصوّر أن يؤكسد فيتامين سي الزرنيخ؛ بينما هو عامل مختزل معروف.. فيتامين سي لا يؤكسد بل يمنع الأكسدة! طبعاً تبيّن أن هذا التهديد كلام فارغ خال من الصحة، وهذه الإشاعة تجوب شبكة الإنترنت منذ عام 2001، ولا يبدو أنها ستموت أبداً لأن كل واحد يعرفها يعتقد أنه عرف شيئاً لم يعرفه أحد من قبل

ما أريد قوله هنا يتلخص في نقاط

ـ1ـ نصف العلم جهل.. والإنترنت كما أفادت، نشرت الجهل والمعلومات الخاطئة بسرعة البرق. ومن الصعب أن تقرر: هل انتشار المعلومات الخاطئة أفضل أم عدم انتشار المعلومات على الإطلاق؟

ـ2ـ في قصة لـ"برخت" يحكي عن رجل لم تعد لديه لذة في الحياة سوى الكلام عن السرطان الذي أصيب به.. هنا نجد أن الناس لم تعد لديها لذة في الحياة سوى التهديد بالسرطان.. هذا ما أطلق عليه "شهوة السرطان"؛ حيث كل شيء مسرطن، وهذا الكلام يظفر بالتصديق دوماً بسرعة البرق. بعض التحذيرات حقيقي وثابت علمياً ولا يحتمل المزاح، مثل أن رقائق البطاطس التي يلتهمها الجميع تحتوي مادة "الأكريلاميد" المسرطنة، ومثل أن السواد الدفين تحت قشرة البصل هو مادة أفلاتوكسين التي تسبب سرطان الكبد.. لكن هناك الكثير من الهراء كذلك: موجات الميكرويف تسبب السرطان (بحثت بدقة عن هذه النقطة وأعرف يقيناً أنها كاذبة)ـ

وفي أحد المؤتمرات العلمية الكبرى وقف أستاذ مصري كبير ليؤكد أن عقار البرازيكوانتل الذي أنقذ مصر من البلهارسيا يسبب السرطان، وهنا سأله أحد الأساتذة الذين يديرون الجلسة: "أين قيل هذا؟". قال مُصّراً: "في الأبحاث.. في كل مكان..". هنا قال الأستاذ الثاني: "أنا لا أتحمل مسئولية أن تقال هذه الكلمات غير المسئولة في مؤتمر علمي، وأمام مئات من شباب الأطباء، الذين سيعتقد كل منهم أن هذا العقار الرائع يسبب السرطان، وبالتأكيد لن يكتبوه بعد اليوم بسببك"ـ

نفس الشيء قيل عن عقار آخر مهم هو "رانيتدين".. لا مشكلة.. قل عن أي دواء إنه يسبب السرطان وسوف يصدّقك الجميع لأن الناس تحب أن تكون الأطعمة والأدوية خطيرة وقاتلة، وتكره جداً من يقول العكس

ـ3ـ جزء كبير من هذه الحملات يتعلق بمعارك طاحنة بين علامات تجارية.. إشاعة أن البيبسي كولا تنقل التهاب الكبد (سي)؛ هي بالتأكيد من هذا الطراز.. طبعاً يعرف أصغر طالب طب أن هذا كلام فارغ

ـ4ـ هناك كذلك الرغبة في الشعور بالتميّز وأنك تعرف ما لا يعرفه الآخرون.. لا ألوم المواطن العادي الذي لا يعرف؛ لكن ألوم الأطباء الذين يجرّهم تيار الخرافة معه وهم قادرون على التحقق.. عندما يقول طبيب على شاشة التلفزيون إن الجزر -مثلاً- يسبب السرطان؛ فهل تلوم المواطن العادي عندما يخاف؟

ـ5ـ الخوف موجات.. موجة الخوف من جنون البقر -الذي لم يثبت قط أنه ينتقل من اللحم للبشر- ثم ظهرت أنفلونزا الطيور.. هذا مرض حقيقي مخيف؛ لكنك قادر على الوقاية منه ببعض التعليمات الصحية، والتخلص من جلد الدجاج والطهي الجيد والابتعاد عن أي مكان تغطي أرضه مخلفات الدجاج؛ لكن الناس أصيبوا بالذعر، وهكذا نسوا ما كان وعادوا يأكلون اللحم

ثم ظهرت أنفلونزا الخنازير فنسي الناس كل شيء عن أنفلونزا الطيور وعادوا يأكلون الدجاج!. ومن جديد لا لوم عليهم؛ فلابد أن يأكلوا شيئاً؛ لكني ألوم الإعلام غير المسئول وثقافة الرعب السائدة. أحياناً يلعب النجوم دوراً في هذا.. مثلاً كان هناك برنامج جماهيري استضاف الفنان محيي إسماعيل؛ ليعلن إعلاناً خطيراً: هو لن يأكل أي شيء بعد اليوم!.. كل شيء ملوّث مسمّم وخطر، وتكلّم عن الدودة التي تسكن عروق ورقة الخس لتبدو مثلها بالضبط فنلتهمها.. بعد هذا العمر لم أسمع عن هذه الدودة قط. لابد من طريقة انتقال تتحمل العصارة المعدية والحمض، والخس لا ينقل الفاشيولا أو الإسكاريس بهذه الطريقة أبداً

ـ6ـ لابد من أن يزداد حظنا من العقلية النقدية: هل هذا ممكن؟.. ما الدليل؟.. لا تصدق كل شيء؛ بل كن وغداً متشككاً.. بعض البحث على شبكة الإنترنت في المواقع المحترمة -وليس المنتديات- مفيد، وقد يفيد كذلك استشارة من تعرف من أطباء. ولا ترسل الرسالة لطرف ثالث قبل أن تكون واثقاً من أن هذه هي الحقيقة"

الناس عندها قابلية تصدق أى حاجه ..

خاصة اذا كان مصدر الكلام الكامبيوتر و الاختراع " الانترنت "

تابعوا المنتديات الخليجية خاصة ..

البنت اللى مرضتش تقرا فى المصحف فتحولت معزه ،،

الأهرامات اللى بناها قوم عاد ،،

كليوباترا اللى اسمها فى الأصل وفاء ،،

الاندومى اللى حرام ،،

"نفس الشيء قيل عن عقار آخر مهم هو "رانيتدين".. لا مشكلة.. قل عن أي دواء إنه يسبب السرطان وسوف يصدّقك الجميع لأن الناس تحب أن تكون الأطعمة والأدوية خطيرة وقاتلة، وتكره جداً من يقول العكس"